Детонациялық шашырату арқылы алынған WC жабындарының микроқұрылымы мен функционалдық қасиеттеріне Co–Cr, Ni және NiCr байланыстырғыш жүйелерінің әсері

Аңдатпа

Бұл зерттеу детонациялық шашырату әдісімен жағылған вольфрам карбиді негізіндегі жабындардың микроқұрылымы мен эксплуатациялық сипаттамаларына металл байланыстырғыш құрамының (Co–Cr, Ni және NiCr) әсерін зерттейді. Кешенді сипаттама сканерлеуші электрондық микроскопия, ЭДС элементтік картографиялау, микрокаттылықты өлшеу, трибологиялық бағалау, сызу сынағы және электрохимиялық коррозия талдауы арқылы жүргізілді. Нәтижелер байланыстырғыш түрінің жабын кеуектілігіне, WC фазасының таралуына, каттылығына және трибологиялық мінез-құлқына айтарлықтай әсер ететінін көрсетеді. WC–Co-Cr жабыны қасиеттердің ең қолайлы үйлесімін көрсетті: ең төменгі үйкеліс коэффициенті (0,515), ең жоғары микрокаттылық (1232,55 HV), ең жақсы сызуға төзімділік және 3,5 мас.% NaCl ерітіндісіндегі жоғары коррозиялық төзімділік. WC–Ni жабыны никель байланыстырғышының жоғары сұйықтығына байланысты ең төменгі кеуектілікті (0,40%) көрсетті, ал WC–NiCr ең жоғары кеуектілікті (2,78%) және прогрессивті жүктеме кезінде жарықшақтануға ең айқын бейімділікті байқатты. Алынған нәтижелер мұнай-газ саласында тозу мен коррозия жағдайында жұмыс істейтін құбыр арматурасы мен басқа компоненттердің қызмет мерзімін ұзарту үшін детонациялық шашырату арқылы алынған WC–Co-Cr жабындарының жоғары әлеуетін растайды.