K1→Kρ(ω) ыдырауы үшін киральды лагранжиандар

Аңдатпа

1N_C жуықтауы бойынша жетекші дәрежеде K₁Kω байланыс шыңын сипаттайтын үшбұрышты аксиал векторлы, векторлы және псевдоскалярлы мезондар қатысатын кваркты диаграмма қарастырылған. Алынған байланыс шыңының τ-лептонның Kω және Kφ адрондық ыдырауына қолданылуы талқыланады. Кварк диаграммалар негізгі және бірінші радиалды қозған күйдегі скалярлы, псевдоскалярлы, векторлы және аксиал-векторлы төрт мезондық нонеттердің әсерлесуін сипаттайтын SU(3) симметриялы киральды лагранждықтардың көмегімен есептелінді. K₁(1270)→K[ω,ρ]  ыдыраулары үшін интегралды ыдырау ендері есептелінген және нәтижелер BEPC II және KEK коллайдерлерінде алынған BES-III және Belle коллаборацияларының мәліметтерімен сәйкес келеді. J^PC=1⁺⁺ кванттық сандары бар K_1A аралық мезоны бар аксиал-векторлық арна τ→K[ω,ρ]ν_τ мезон ыдырауларының ендерін сипаттауда басым рөл атқаратыны көрсетілген. τ-лептондық ыдырауларда контакт және K_1A  аксиал-векторлық мезоны бар арналар есепке алынған. Олардың біріншісі мезон жұбын тудыратын аралық W- бозонмен байланысты. Екінші арна аралық  аксиал-векторлы мезонға өтетін W- бозонмен және Kω және Kφ жұптарының түзілуімен байланысты. Аталған екі арнаны бір-бірінен тәуелсіз қарастыру біз қарастыратын процестерді толығырақ зерттеуге мүмкіндік береді. ³P₁ және ¹P₁ нонеттерінің аксиал-векторлық мезондардың араласуы салдарынан K_1A аксиал-векторлы күйінің екі физикалық мезонға K₁(1270) және K₁(1400)  бөлінуі ескерілген. Контактілі арнаның аксиал-векторлы арнамен теріс интерференциясы анықталған. τ→K[ω,ρ]ν_τ  ыдырауларының интегралдық ендерінің  K_1A  және K_1B  аксиал-векторлы мезондарының араласу бұрышының мәніне тәуелділігі зерттелген. Нәтижелерді тәжірибелік деректермен және басқа авторлардың теориялық бағалауларымен салыстырмалы талдау жүргізілген. Алынған теориялық болжамдар тәжірибелік мәліметтермен қанағаттанарлық дәрежеде сәйкес келеді.