«ПОЛИМЕР – ЖОҒАРЫ ТЕМПЕРАТУРАЛЫ АСҚЫН ӨТКІЗГІШ» ЖҮЙЕСІНІҢ ОПТИКАЛЫҚ ҚАСИЕТТЕРІНЕ ТӨМЕНГІ ТЕМПЕРАТУРАНЫҢ ТИГІЗЕТІН ӘСЕРІН ЗЕРТТЕУ

Аңдатпа

Полиимидтік қабыршақ пен оның ҮBa₂Cu₃O_6+x (х=0,7) жоғары темпаратуралы асқын өткізгіш (ЖТАӨ) ұнтағының негізінде даярланған концентрациялары, 0,05%; 0,1%; 0,5% полимерлік композицияларға (ПК) төменгі температураның тигізетін әсері зерттелді. Оптикалық қасиеттерді зерттеу жұмыстары СФ-2000 спектрофотометрінде, 190-1100 нм спектрлік диапазонда жүргізілді. Сұйық азотпен суыту нәтижесінде полиимидтік қабыршақтың сәуле өткізу коэффициентінің 3-6%-ке төмендеп, оптикалық тығыздығының мәнінің өзгеріссіз қалуы, үлгі құрылымындағы еркін иондар шоғырының  азяюымен түсіндіріледі. ЖТАӨ қоспа негізінде даярланған ПК  0,05%, 0,1%  үлгілері үшін сәуле өткізу коэфициентінің мәні суытудан кейін өзгермей сақталып, ал 0,5%  үлгісінде сәуле өткізу коэффициентінің мәні 15 %-ке дейін артады. Бұл үлгілерде қайта құрылымдану  процестерінің өтетіндігін көрсетеді.