Шыныға өту температурасы маңындағы этанолдың криовакуумды конденсаттарының түрөзгерісі
Аннотация
Суытылатын металл төсетекке газ күйінен әр түрлі температуралар мен қысымдарда конденсациялау барысында түзілетін этанолдың криовакуумдық конденсаттарының жұқа үлдірлеріне ИҚ-спектрометрлік және термодесорбциялық зерттеулер жүргізілді. Зерттеудің негізгі мақсаты – этанолдың криоконденсаттарының жұқа үлдірлеріндегі шыныға өту температурасы маңындағы динамикалық релаксациялық процестерді және кеңістіктік-ретсіз күйден реттелген күйге көшулерін зерттеу. Конденсация температурасы T = 16 К-де түзілген этанолдың криоконденсаттарының үлдірлері аморфты күйде (ASE) болатындығы анықталды. Үлгілердің температурасын арттыру нәтижесінде, T = 80 К мәнінде, ASE құрылымды шыныға түрленеді. Әрі қарай T = 97 К дейін қыздыру барысында құрылымдық шыны асқын суытылған сұйыққа айналады және T = 105 К температурада пластикалық кристалл түзейді.
