Нақты Кулон функцияларына негізделген дейтерий-тритий синтезінің қимасының R-матрицалық есептеулері

Аннотация

Отынның қолжетімділігіне, қолайлы кинетикасына және жоғары энергия шығымына байланысты дейтерий-тритий (D-T) синтез реакциясы ядролық синтез мәселелері саласында әсіресе қолданылады. Бұл мақалада феноменологиялық R-матрицалық әдіс шеңберінде D-T синтез реакциясы қимасының егжей-тегжейлі, қадамдық теориялық есептеуі берілген. Феноменологиялық R-матрицалық әдістің негізгі принциптері көрсетілді. Ядролық және кулондық өзара әрекеттесу R-матрицалық формализмнің көмегімен өңделеді, оған сәйкес конфигурация кеңістігі сәйкесінше ішкі және сыртқы аймақтарға бөлінеді. Есептеулерде туннельдік және ығысу коэффициенттерін нақты анықтау үшін нақты Кулон функциялары пайдаланады. D+T, ⁴He+¹²C жүйелері үшін нақты Кулон функциялары есептелді. D+T жүйесі үшін туннельдік және ығысу коэффициенттері берілген бұрыштық импульс үшін анықталды. D-T термоядролық реакцияларының қимасы мен жылдамдығын есептеу үшін қазіргі заманғы ғылыми жұмыстардағы параметрлері бар екі әр түрлі R-матрица моделі пайдаланылады, және олардың нәтижелері ENDF/B-VIII.0 кітапханасының деректерінен алынған эксперименталдық нәтижелермен салыстырылады. Термоядролық синтез технологиясы үшін өте маңызды төмен энергия диапазонында (0-ден 0.1 МэВ-қа дейін) біздің нәтижелер тәжірибелік деректермен жақсы сәйкестігін көрсетеді, ал жоғары энергия диапазонында алынған нәтижелер ⁵He ядросының резонанстық емес деңгейлерін есептеулерде есепке алынбауына байланысты біршама төмен бағаланады. Алынған нәтижелер осы мақалада қолданылған моделдердің болашақ термоядролық қосымшалар үшін пайдалануға болатынын көрсетеді.