Модификацияланған полиимидті жүқақабықтардың оптикалық қасиеттері
DOI:
https://doi.org/10.26577/RCPh202592111Кілттік сөздер:
боялған полиимидті пленкалар, белсенді жасыл 4С, жарық өткізгіштік коэффициенті, шағылысу коэффициентіАннотация
Мақалада құрамында 4С жасыл түсті белсенді бояғышы бар боялған полиимидті пленкалардың спектрлік сипаттамалары зерттелді. Спектрофотометрия және Фурье-ИК спектроскопия әдістерін қолдану арқылы бояғыш концентрациясының пленкалардың өткізу және шағылу коэффициенттеріне әсері талданды. Эксперименттік зерттеулер бояғыштың мөлшерін арттыру көрінетін спектр аймағында жарық өткізгіштігінің 22–25%-ға төмендеуіне әкелетінін, алайда спектрлік максимумдардың орны өзгеріссіз қалатынын көрсетті. Бұл бояғыштың матрицада біркелкі таралғанын және фазалық сегрегацияның болмағанын дәлелдейді. Зерттеу нәтижелері 4С бояғышының енгізілуі 682 нм толқын ұзындығында тар сіңіру жолағын қалыптастыратынын көрсетті, бұл тұрақты боялған полимер құрылымының айрықша белгісі болып табылады. Сондай-ақ, бояғыштың полиимидті қалыптастыру процесін жылдамдататыны расталды. ИК-спектроскопия әдісі 1500–1000 см⁻¹ диапазонында қосымша сіңіру жолақтарының пайда болуын анықтады, бұл бояғыш пен полиимид матрицасы арасындағы ықтимал химиялық өзара әрекеттесуді білдіреді. Алынған нәтижелер боялған полиимидті пленкаларды оптикалық сүзгілердің, сенсорлардың және лазерлік жүйелердің белсенді элементтері ретінде пайдалану мүмкіндігін растайды. Бояғыш концентрациясын бақылау пленкалардың оптикалық қасиеттерін өзгертуге мүмкіндік береді, бұл оларды фотоникада, сенсорлық технологияларда және берілген спектрлік сипаттамалары бар функционалды материалдарды әзірлеуде қолдану перспективаларын ашады.
