Гиперспектралды зондтаудың физикалық негіздері

Аннотация

Гиперспектрлік технологиялар спектрофотометриялық әдістерді және бейнелеу әдістерін біріктіре отырып, нысаннан шығатын сәулеленудің спектрлік құрамын зерттеуге мүмкіндік береді. Бұл технологиялар ғылым мен техниканың әртүрлі салаларында кеңінен қолданылады. Соңғы жылдары гиперспектралды визуализация әсіресе агрономияда өсімдік ауруларын диагностикалау және биологиялық аномалияларды анықтау үшін белсенді қолданылуда. Бұл зерттеу гиперспектрлік камералардың негізгі түрлерін: дисперсиялық, интерферометриялық және сүзгілік камераларды салыстырмалы талдауға арналған. Олардың сипаттамалары және гиперспектрлік кескіндерді алудың негізінде жатқан физикалық принциптері талданады. Гиперспектрлік камераның оңтайлы түрін таңдау нақты қолдану талаптарына байланысты. Дисперсиялық камералар жоғары тіркеу жылдамдығымен және кең спектрлік ауқымымен ерекшеленсе де, ірі оптикалық компоненттер мен айтарлықтай шығындарды қажет етеді. Интерферометриялық жүйелер жоғары спектрлік сезімталдыққа ие, бірақ олардың қолданылуы жарықтандырудың тұрақтылығына тәуелділікпен шектеледі. Сүзгілік камералар реттеу икемділігін және ықтимал компакттілікті қамтамасыз етсе де, сүзгінің сипаттамаларына байланысты механикалық және спектрлік шектеулерге ие болуы мүмкін. Гиперспектралды камералардың негізгі түрлеріне, олардың негізгі сипаттамалары мен практикалық қолданылу салаларына шолу жасалған.