Қорғасын сульфиді пленкаларының өсу ерекшеліктеріне қорғасын нитраты мен натрий гидроксиді ерітінділер қоспасы температурасының әсері

Аннотация

Бұл зерттеу жұмысы температураның қорғасын сульфиді (PbS) субмикрондық өлшемді бөлшектерінің түзілуіне әсерін зерттеуге арналған. Қорғасын сульфидінің үлгілері сулы ерітіндіден химиялық тұндыру әдісімен алынды. Реагенттер ретінде 25 мл қорғасын нитраты Pb (NO₃)₂, 75 мл натрий гидроксиді NaOH және 50 мл тиомочевина CH₄N₂S  тиісінше молярлық концентрациялары бойынша 0,11 М (0,397 г), 0,18 М (1,52 г), 0,38 М (1.151 г) сулы ерітінділері пайдаланылды. Үлгілерді алу процесінде бастапқы кезеңде қорғасын нитраты мен натрий гидроксиді ерітінділері 70°C және 100°C температурада араластырылды, содан кейін бұл қоспаға тиомочевина ерітіндісі қосылды. Температура PbS құрылымдарының қалыптасуына әсер ететіні анықталды. 100°C температурада оқшауланған бөлшектер пайда болды, ал 70°C температурада пленка пайда болды.

Алынған қорғасын сульфидінің (PbS) үлгілерінің морфологиясы мен элементтік құрамы сканерлеуші электронды микроскопия (СЭМ) әдісімен зерттелді және беттік құрылымы атомдық күштік микроскопы (АСМ) арқылы зерттелді. Қорғасын сульфидінің үлгілерінің морфологиясы мен беткі қабатын зерттеу нәтижесінде оқшауланған бөлшектердің орташа мөлшері анықталды, ол ~144 нм құрайды, сонымен қатар бұл бөлшектер беті тегіс текше түрінде болды.