Көміртекті наноқабырғалардағы электрохимиялық құбылыстардың in situ Раман талдауы

Аннотация

Көміртекті наноқабырғалар - тігінен бағытталған және өзара байланысты графен парақтары. Олар жоғары электр және жылу өткізгіштігі, тамаша электрокаталитикалық белсенділігі, үлкен бетінің ауданы және жоғары сезімталдығы арқасында электрохимиялық сенсорлық құрылғыларда қолдануға арналған материал ретінде белсенді қызығушылық танытуда. Бұл жұмыста көміртегі наноқабырғалары Ti\SiO₂\Si субстраттарында радикалды инжекциялы газдық фазадан плазмалық химиялық тұндыру (RI-PECVD) әдісімен синтезделді. Алынған көміртегі наноқабырғаларының құрылымдық және морфологиялық қасиеттері жарықтың комбинациялық шашырау спектроскопиясы және сканерлеуші электронды микроскопия көмегімен зерттелді. Көміртегі наноқабырғаларының электрохимиялық қасиеттерін талдау үшін циклдік вольтамметрия мен хроноамперометрия қолданылды. Көміртегі наноқабырғаларының электрохимиялық қасиеттері in situ Раман спектроскопиясымен бірге зерттелді. Раман спектроскопиясы in situ материалдың ықтимал зақымдануыб симметрияның бұзылуы және құрылымдық өзгегістері туралы ақпарат береді. Ол сондай-ақ температура мен қысым немесе электрохимиялық реакциялар сияқты айнымалылардан туындаған фазалық ауысуларды зерттеудің тиімді құралы ретінде қолданылады. Көміртекті наноқабырға электродында әртүрлі кернеу мәндерін қолдану арқылы, in situ раман спектроскопиясы арқылы бақылаған электрохимиялық реакцияларды іске қосуға мүмкіндік берді. Реакциялар ішінара қайтымды болды, бұл (I_2D/I_G) қатынасының жоғарылау/төмендеуімен дәлелденді.